البنات كامل شابّين وعندم الزهر
عندم شعر طويل ويروحو للبحر
يلبسو غير في الحطّات ويروحو للسهرات
! وأنا كي تجى دالتي لا، لا، لا
وأنا مالصّباح للعشية نخدم فالشغل
ليجي يحقر فيا وعليّا يتمهبل
وكهرت مغسيل لمّاعن، لحوايج ولحديد
انطيب ونعجن، خايفة على حليب لا يفيض

آه آه يا لو كان جيت راجل
آه آه ما تديرو فيا هذ الباطل
آه آه يا لو كون جيت راجل
آه آه ما تديرو فيا هذ الباطل

لي قدّي كامل مزوجات، كل واحدة وين راحت
الصغار عليا جايحات، يتبعو فى المسلسلات
مساكن طامعات يجي واحد يديهم
فوق عود أبيض، رافد الورد
وخويا خارج فيا كى نشوفو نتقّلق
يضل يعس فيا، على والو يتقلق
كاش نهار نربطو كي يكون غارق فالمنام
فى بير غامق نحطو خاطر يخاف مالظلام

آه آه يا لو كان جيت راجل
آه آه ما تديرو فيا هذ الباطل
آه آه يا لو كون جيت راجل
آه آه ما تديرو فيا هذ الباطل

ملّي كنت صغيرة، يقولولي راكي كبيرة
ماتلعابيش برة، ماتنسيش بلّي نتي مرا
وولاد برة يلعبو وطفلة دير لعقل
هوما يديرو كيما يحبّو، معولين على شغل

آه آه يا لو كان جيت راجل
آه آه ما تديرو فيا هذ الباطل
آه آه يا لو كون جيت راجل
آه آه ما تديرو فيا هذ الباطل