كنت حابّة نقرا، كنت حابّة نتعلم
واليوم راني نتكدم
زوجونى صغيرة باعوني كي السلعة
واليوم راني نبكي بالدمعة

وسكنوا فى قلبي لحزان
و الفرح نساه
وحدي عانيت فى زمان

راه قلبى معمّر وحرت باش نبدا
نبدا بالراجل الواعر بعد الزواج تبدّل
وأنا صابرة وقاعدة
وبلا سبّة يسبّ ويعاير
و طيّح عليا لظلام
وحشمت نشوف فى السما
و يتلفلي لكلام
ولات ماعندي قيمة

وسكنوا فى قلبي لحزان
وحدي نعاني فى زمان

الناس يهدرو عليا ويقولو: علاش طلقت؟
كامل راهم يعايرو فيا، يضلو يعسو فيا: هاي دخلت هاي خرجت
ياك تعرفي هدى العقلية
كيما درت حصلت
علاش جيت مرا؟
لو كانت خير مازدت
وكرهت مالحقرة

وسكنوا فى قلبي لحزان
و الفرح نساه
وحدي نعاني في زمان
وسكنوا فى قلبي لاحزان
خلّي البير بغطاه
وسكنوا فى قلبي لاحزان
والفرح نساه
وحدي نعاني في سكات