And I'll kiss thee yet, yet,
And I'll kiss thee o'er again,
And I'll kiss thee yet, yet,
My bonie Peggy Alison.
Ilk care and fear, when thou art near
I ever mair defy them, O!
Young kings upon their hansel throne
Are no sae blest as I am, O!
(& again)
When in my arms, wi' a' thy charms,
I clasp my countless treasure, O!
I seek nae mair o' Heav'n to share
Than sic a moment's pleasure, O!

And by thy een sae bonie blue
I swear I'm thine for ever, O!
And on thy lips I seal my vow,
And break it shall I never, O!

note: chorus is first or lowest part of the tune -
each verse must be repeated twice to go through
the high or second part