Kai-m déntu d'óra
Kantu ki bu fla-m ma bu kre-m
Kai-m déntu sal
Kantu ki bu da-m primeru beju
N torsi, N kosa, N bira láguas ta baza
So burgónha di bo, minina

N txiga kasa N konta mamai
E djobe-m di pé sai kabésa
E fla-m: Djuzé, bo u ka t'obi

Sima Xexa anton, nha irman
Ta ri, ta galopia, ta da pedi
E xinta e ta xuxa ku mi
Unbês e rabida e fla-m
Róstu prétu mó karbon
Inkispadu so fixon
Moradu déntu Txonbon
Po ranja menbra la Manxoli

Nha genti, due-m
Na mundu, magua-m
Nton, da-m un nó déntu tripa
Ma N ka dizanima nau
N panha nha bara marmuleru
N ba xinta la lugar
N matuta, N pensa, N bira láguas ta baza

Kantu N lenbra nha primeru beju