'Nnanzi 'ssa ruga c'è 'na spuntunera
Jettari cci lavuogliu 'na canzona
Ca c'è na donna cuomu 'na bannera

Chi la governa lu suli e la luna
Quannu se curca nu' ci vo' lo mera
Ca ccu? Li carni sua s'allustra sula
Tantu ch'è bella 'saa figlia e massaru

Tantu ch'è bella ch'è n'aquila r'uoru
Quannu si minta 'ntra chillu tilaru
Fa ijura la navetta comu 'nu truanu
Amara io ca signu puru e lutanu

Sientu la navettella e triemu e moru
Affaccia bella mia re 'ssa finestra
Jettami 'nu garonfalu e 'ssa grasta
Si mi lu jetti io me trovu lestu

Pi nu' cariri 'nterra e pua se guasta
Ca mi lustipu pe' la meglia festa
Garonfalu d'amure e tantu abbasta
A bona notti ta rugnu cantannu

E ti salutu a tia parma d'argentu
Statti bona giojuzza io mi ndi vaju
Addio quannu fa jomu pemmu te viju