Quanno spónta la luna a marechiare
Pure li pisce nce fanno a ll'ammore
Se revòtano ll'onne de lu mare
Pe' la priézza cágnano culore

A marechiare ce sta na fenesta
La passiona mia nce tuzzuléa
Nu garofano addora 'int 'a na testa
Passa ll'acqua pe' sotto e murmuléa
A marechiare nce sta na fenesta!
Ah, ah, ah, ah, ah, ah, ah, ah

Chi dice ca li stelle só lucente
Nun sape st'uocchie ca tu tiene 'nfronte!
Sti ddoje stelle li ssaccio I' sulamente
Dint' a lu core ne tengo li ppónte
Scétate, carulí, ca ll'aria è doce
Quanno maje tantu tiempo aggi' aspettato!
P'accumpagná li suone cu la voce
Stasera na chitarra aggi' purtato
Scétate, carulí, ca ll'aria è doce!
Ah, ah, ah, ah, ah, ah, ah, ah