A vespero è arrivato nu vapore
Ch'ha sbarcato na bella furastèra...
Faccella janca, trezza comm'a ll'oro
E ll'uocchie penzaruse e chiare chiare.

Oje furastèra, ch''a luntano viene,
Si staje malata, a napule te sane;
Si 'o furastiero nun te vò' cchiù bene,
T''o voglio fà scurdà primma 'e dimane...

Oje furastèra, ch''a luntano viene.

Voglio passà 'e nnuttate ô chiatamone
Cu 'a scusa 'e respirà ll'aria marina;
Cantanno sotto a nu sicondo piano,
Cu 'sta chitarra antica, na canzone...

Oje furastèra, ch''a luntano viene,

Pusilleco...pusilleco addiruso,
Suonno d''e 'nnammurate 'e tutt''e mise,
Mièttece 'nfaccia 'o rrusso 'e chesti rrose
E, dint'a ll'uocchie, 'o ffuoco 'e stu paese.

Oje furastèra, ch''a luntano viene.