Nha kama ten bo txer na el
De bo perfume e de kreme de bo kabel
N txere-l na funde t'imajina bo pél
Lenbra-m na nha bóka la de sima de bo mel
Nha bóka na bósa, móda kola i papel
Bo korpe na nhas bróse enbrulhóde na el
Dede na bo kósta t'imita pinsel
Ta pinta bos kurva na ton de karamel
Bo bai bo txá bo txer no ar nha kabésa tanben
Dente kaza inpregnóde el ta na tude lugar, ma dente de kabésa tanben
Bo mon na nha barba ta faze kufuné
Se nos alma ta nu, bo ti ta skonde pa ken?
Bos stria é poezia tra mon txa-m alê
Brasa-m bo dzê-m se is ka ta faze-be ben

Se N ka ti ta pensa na bo
N ti ta pensa nun manera de ka pensa na bo
Se N ka ti ta pensa na nos
N ti ta pensa nun manera de ka pensa na nos

Bo ta vra disvésa nhas pensamente
Bagunsa-m tude pésa, konpletamente
Seí de nha kabésa imediatamente
O N ta ben kobró-be es renda, bo ta moróde li dente
Lenbrasas de aonte bagunsa-m ideia
Bos kurvas rodonde mó lua xeia
Nos dos koladin lenbra-m mar i areia
Nha vos ben baxin na pe de bo oreia
Nha repia kont N (m) oió-be
Sintí bo gosto apresió-be
Bo pode ba bo dzê nha nóm
S'es perguntó-be se algen ta baba na bo
Bo junta junta solusãu i prubléma
Bo ten tude mistér
Móda romanse de sinéma
No ta fazê filme se bo leva-m asérie

Se N ka ti ta pensa na bo
N ti ta pensa nun manera de ka pensa na bo
Se N ka ti ta pensa na nos
N ti ta pensa nun manera de ka pensa na nos

Nos korpe fundide nun so
Dos alma ekua na spás
Nos kímika baralha konta
1 + 1 é 1