DESCOLORIDO

Éntrame o sol pola porta
O luar polo poxigo
O amor que anda de noite
Sempre anda descolorido

Éntrame o sol pola porta
Quenta ben nesta cociña
Sempre que se anda de noite
Raia o primeiro do día

Algún día eu esperaba
Pero agora non hai tempo
Para o que dura esta vida
Deixa que fuxan os ventos

Algún día esperaba
Algún día esperei
Algún día esperaba
E xa me olvidei

Esa luz que entra da lúa
Faime perder o sentido
Fame de comer o mundo
Pena non sexa contigo

Eu quero vivir no ceo
Naquela casiña branca
Que o sol entre pola porta
E que xa nunca se vaia