Mi so na kamarin sentóde, despos dun show ka tinha kurride drete N tava deskonsentróde, nton, N skesê létra pur konplete Ten dias ke krede!, parsê ke tude u-ke bo ptá mon ta seí más mal fete Nton, N tava kete, ke skutador na uvide ta spiá pa tete Kónde di repente entrá un senhóra vestide de prete Insistí pa falá kel óra, mi ta pensá na txmá seguransa pa po-l la fóra N da-l loge papu-rete: Dona, fote no ta tra-l otróra, podê ser manha de sede Du nada el ta da dos póse, txgá perte i brasa-m sen jete Di repente el ta na mei di nhas bróse, móda ken ti ta spiá akonxege Un gaje spiá se un gaje ta konxê-l, kabésa el ta pudi na nha peite Móda ken já otxá apege, móda ken já otxá susege Kolóde na mi, enkuante nha sentimente é miste Parte di mi kre fjí, kel ote metadi kre brasa-l rije N uvi-l ta kanta baxin, éra un mórna di Tito Paris É tava dzê asin, nun meludia triste Kel bark já perdê, la na funde di osian Se korpe vrá térra, se alma é ilha El perdê na mar, é nos ki fika li Já-l perdê ne funde, la na mar, é nos ki fika li Já-l perdê na mar, é nos ki fika li Já-l perdê ne funde, la na mar, é nos ki fika li Ke água na oi, el konta-m sobre Navio Vicente Kel barke é ke ba pa funde, la pa banda di Foge, já ten un tenpe I morte leva-l se maride, nes asidente, fká so dor i so lamente Nen seker es k'otxá korpe, es ka da nen un interre desente El dzê-m enkuante bo k'interra-l, bo ka ten susege par dente É mó se ker dor fká interróde li dente di bo peite eternamente I el ta mató-be lentamente, se N ta podê interra-l, sertéza Ndinha es sofrimente Na se vos tinha un tristéza, ma se revólta éra más Nton N pergunta-l se kel inpréza devera txgá indemnizá-s S'es asumí kes despézas, el dzê-m: No ta li tude ta spera-s Es da foi un minute di silénsi na konselhe de ministe k'é pa onrá-s Minute de silénsi pa ken? Dzê-m se foi nos silénsi é ke matá-s! I enkuante no ta li kalóde, bo podê kre ta morrê más Kes 15 psoa é ke morrê, es ka morrê mode barke fundá-s Es morrê mode mei di salvamente é inefikás Boa Noite, 11 sobreviventes e 3 mortos, é até agora o balanço do naufrágio do Navio Vicente Ocorrido ontem a noite, ao largo do porto da Barca baleira, no Fogo O Navio trazia a bordo 26 pessoas, entre tripulantes e passageiros E ainda uma criança na casa dos 4 anos, ao que tudo indica morreu, nos braços do próprio pai Stréla pagá, xei di dor di amargura Osian skuresê, é nos ki fika li, xei di dor Já-l perdê na mar, é nos ki fika li Já-l perdê ne funde, la na mar, é nos ki fika li Já-l perdê na mar, é nos ki fika li Já-l perdê ne funde, la na mar, é nos ki fika li N oiá dor na kada lágrima é ke pingá dona se roste El txora ta brada Mar, móda se Mar é se desgoste Se txor éra melankóliku, se dor tava la sposte Ke bo ta fazê kónde bos memoria é bos monstre? Lenbra-m kel Pai, ke se fidje morre-l fogóde na bróse Despos mar leva-l pa lonje di se ragóse Kome Pai, N ta rekuzá imajiná es doze Di dor i sofrimente, de kurasãu fete padóse El dzê-m: Fazê un muska sobre Navio Vicente Fala des injustisa des jente, pa nos k'é fidje de pobréza Fala des Mar k'é nos rikéza, ma tanbê k'é nha tristéza